أنك تغير مجالك المهني لمجال جديد، يعتبر قرار صعب جدا، لكنه في الحقيقة قرار بيستحق أنك تاخده لانه بيساعدك تعيد اكتشاف المجال اللي بتحبه و الطريق اللي هيوصلك لاهدافك. لكن للأسف، الصعوبة اللي بتواجهها مش بتنتهي لما تأخد القرار و تغير لمجال جديد. معظم الموظفين بيلاقوا نفسهم رجعوا تاني لنقطة البداية كأنهم لسة متخرجين، لانهم مبيكونش عندهم الخبرة الكافية لما بيقدموا على اول وظيفة لهم في المجال الجديد. و بالرغم ان ده ممكن يكون محبط لناس كتير، متقلقوش، جوبزيلا هتعرفكم ازاي تكتسبوا خبرة بسرعة في مجال شغلكم الجديد من غير ما تبدأوا من الصفر.
١. قيموا نفسكم: معظم الناس بتختار مجال عمل جديد لها على حسب اهتماماتها، او هواياتها، او على حسب بعض المهارات اللي بتتميز بها. ايا كانت الطريقة اللي اخترت من خلالها المجال ده، لازم يكون له علاقة بك او يكون فيه سبب خلاك تتوجهله. وعشان كده لازم تكتشف الصلة ده الأول، وتفهم نفسك عشان تعرف تعمل و تبدأ خطة العمل بتاعتك. أول وظائف خالية ما تحدد مهاراتك، هواياتك، أنشطتك، قدراتك و مؤهلاتك اللي لها علاقة بالمجال الجديد، ابدأ بتقيمهم وتصنيفهم على أساس مدى قوتهم أو احتياجهم للتطوير. بمعنى أخر، اكتب قائمة بالحاجات اللي تؤهلك و تخليك تؤدي وظيفتك بكفاءة، وتنجح في مجال شغلك الجديد. بعد كدة، حدد ايه منهم ينفع يخليك تحصل على وظيفتك الاولى، وايه الخبرة اللي عايزها و اللي محتاج يتطور عشان يقوى بدايتك في المجال الجديد.
٢. ادرس متطلبات الوظيفة الجديدة: بعد ما فهمت نفسك، وحددت نقاط قوتك ونقاط ضعفك، دلوقتي انت محتاج تدرس متطلبات الوظيفة، والمهارات المطلوبة عشان تنجح في الوظيفة الجديدة. حلل مهام الوظيفة، و روتينها اليومي عشان تفهم ازاي هتؤدي وظيفتك، والأهداف اللي هيتطلب منك انك تحققها بشكل اسبوعي، و شهري، وحتى سنوي. بعد كدة، قارن المعلومات اللي انت جمعتها، بالخبرة اللي هتحتاجها و بالقوائم اللي انت كتبتها عن نفسك، وحدد ايه اللي هيفيدك في وظيفتك، وايه اللي انت محتاج تنميه في نفسك. من ناحية تانية، لما بتدرس طبيعة الوظائف في المجال الجديد، هتفهم بشكل احسن ازاي الناس بتشتغل في المجال ده، وتعرف تخطط لطريقة شغلك و الخبرة اللي محتاجها.
٣. دور على الشركات الصغيرة: لما تدور على شركات تشتغل معاها، أحيانا بيكون من الافضل أنك تدور على الشركات الصغيرة، لأنهم بيدوك الفرصة انك تكتسب الخبرة اللازمة وتكبر مع الشركة في المجال الجديد اللي انت اخترته. من ناحية تانية، معظم الشركات الصغيرة بيكون لها متطلبات ابسط والخبرة بتكون اقل لموظفينها الجداد عن الشركات الكبيرة. في الواقع، أحيانا و على حسب المجال اللي انت اختارته، الشركات بتديك فترة تدريب عشان تعرف هتشتغل ازاي و تتعود على نظام شغل الشركة. بعد كدة هيدوك وظيفة بدوام كامل، عشان هيكونوا اتطمنوا من انك عرفت طريقة العمل، و انك هتعرف تنفذ المهام المطلوبة منك على أكمل وجه.
٤. احصل على تعليم (الخبرة الاكاديمية): خد كورسات، شارك في ورش عمل و دورات، او حتى قدم على شهادات جامعية لو احتاجت. طالما انك مش عندك الخبرة الكافية، يبقى التعليم هو سبيلك عشان تبدأ بداية ناجحة في مجالك الجديد. انك تتعلم عن المجال الجديد هيقوي المعلومات اللي عندك عنه. بس الأهم من كده، انه هيثبت لاصحاب الاعمال انك فعلا مهتم بالمجال ده، و جاد في انك تبني لنفسك مهنة فيه. عشان كدة حاول انك تتعلم المهارات الجديدة، و ابقى دائما متطلع على اخر الاخبار و التعديلات. من ناحية تانية، لما تاخد كورسات و تشارك في ورش عمل، ده معناه انك بتمارس المهنة الجديدة، وده بيديك الخبرة الابتدائية اللي بتحتاجها في مجالك الجديد. دور كمان على شهادات و دروس اونلاين ممكن تساعدك تتعلم أكتر، و تقدر تكتبها في سيرتك الذاتية أو تقدمها مع ملفك المهني.
٥. ابدأ فترة تدريب (الخبرة البدائية): فترة التدريب مش بس بتدربك على طريقة العمل و تنفيذ مهام الوظيفة، لكن كمان بتعرفك على تفاصيل الشغل و ظروفه، و متطلباته الجسدية و النفسية و العقلية. وكمان بتديك فرصة انك تعيش حياة الشخص اللي بيشتغل في المجال ده. من ناحية، ده بيعرفك على طبيعة العمل، مكافئاته و مضاره. ومن ناحية تانية، انت بتجرب تشتغل في المجال الجديد لفترة من الوقت، وده بيخليك متندمش لو كنت استملت وظيفة ثابتة و معجبكش المجال.
٦. تطوع: لو ملقتش فرص تدريب كويسة في المجال الجديد، يبقى التطوع أحسن خيار ليك عشان تاخد الخبرة اللي انت محتاجها. مش مهم هتاخد فلوش من الشغل ده ولا لا، لكن المهم انك تكون مارست الوظيفة، و عملت شغل بايديك. التطوع يعتبر جزء كويس جدا من الخبرة العملية لانك ممكن تضيفها لسيرتك الذاتية، و لانها بتعتبر من اهم الحاجات اللي أصحاب الشركات بيدوروا عليها لما ييجوا يعينوا موظف جديد. ولان التطوع مش بيبقى فيه عقد، ولا ساعات عمل محددة، تقدر تتطوع و تعمل شغل تاني يكون له علاقة بالمجال الجديد. وبالشكل ده هتوسع معرفتك والخبرة اللي عندك، و في نفس الوقت هتتعرف فيه على فروع الشغل المختلفة ومجالاته.
٧. ابني ملفك المهني: لو انت حولت لمجال عمل جديد، كان في الاصل هواية ليك أو نشاط بتعمله في وقت فراغك، يبقى أكيد عندك بعض النماذج من شغلك. الحاجة الحلوة في ان يكون مجال شغلك هو هوايتك، هو انك بتمارسها وظائف مصر من زمان، وده بيخلي عندك الخبرة اللي بتعتبر مقبولة فيه، واللي بيثبت كدة كل الشغل اللي انت عملته و احتفظت به. ده هيساعدك لما تبدأ تدور على اول وظيفة ليك في المجال الجديد لانه بيبني ملفك المهني. حتى لو مكنتش بتحتفظ بشغلك قبل كدة، ابدأ دلوقتي ومارس وظيفتك الجديدة عشان توري أصحاب الشركات اهتمامك و كفائتك و الخبرة اللي اكتسبتها في المجال الجديد. بمعنى أخر، ابدأ اكتب، او ارسم، او ابني مواقع اليكترونية، او صمم جرافيك، او انتج فيديوهات، و انشر اعمالك على المواقع المختلفة اللي بتوصل للشركات و اصحاب الاعمال.
٨. ابعد عن طرق التفكير التقليدية: انت بتاخد خطوة كبيرة و بتعمل قرار صعب هيغير حياتك للابد. عشان كدة، مش منطقي انك تكون بتتبع طرق تقليدية لما تدور على وظائف، او شركات تعينك في المجال الجديد وخاصة انك معندكش اي من الخبرة الضرورية لممارسته. انت محتاج تكون مبدع، تبذل مجهود أكبر، و تدور بشكل اعمق و ابعد على فرص مميزة ونادرة عشان تقوى معرفتك، و تستغل قدراتك و مهاراتك، وتستخدم اهتمامك و حبك للمجال عشان تثبت كفائتك في الوظيفة الجديدة. اسال اصحابك و اهلك، انضم لمنظمات، وشارك في مسابقات و فعاليات، اعمل كل حاجة ممكن تساعدك انك تبدأ اول خطوة على طريقك المهني الجديد و تكتسب الخبرة اللي محتاجها. متفقدش الامل، و افتكر ان مشوارك مش هيكون سهل، وان التغيير الاستثنائي، بيحتاج فرص استثنائية، و ده بيتطلب منك مجهود وصبر.
٩. اكتب رسالة وظيفية مميزة: اصحاب الشركات بيركزوا على الخبرة العملية في السيرة الذاتية اكتر من اي حاجة تانية، وده اللي بيخليهم يفضلوا مرشح معين عن التاني. ولانك معندكش الخبرة الكافية، يبقى لازم تلفت انتباههم برسالتك الوظيفية ونماذج شغلك. الرسالة ده هي فرصتك انك تعبر عن افكارك و تقولهم انت ليه مهتم بالمجال ده، وازاي انك هتبذل اقصى طاقتك في الوظيفة و هتقدر تحقق اكتر من المتوقع. ومن ناحية تانية، متنساش تعدل سيرتك الذاتية ومعلوماتك في حساباتك على مواقع التواصل المهنية زي جوبزيلا، عشان تتناسب مع اهتماماتك و التغيير المهني اللي انت عملته. ضيف كمان نماذج لشغلك، و المهارات، والقدرات، و الهوايات و الانشطة اللي هتدعم سعيك للدخول في المجال الجديد.
وظائف
وظائف مصر
وظائف في مصر
وظائف خالية
١٠. كن صبور: انت بتبني طريق جديد لنفسك و لمستقبلك، وحتى لو كنت بتحس انك مش بتحقق اي حاجة، خليك صبور لان النتائج مش بتطلع في ساعتها. كل حاجة لازم تاخد وقتها، حتى الخبرة الكويسة، والنجاح عمره ما بيتولد في لحظة. عشان كده كل حاجة انت بتعملها، وكل صعوبة بتمر بها هتجني ثمارها، بس لازم انت تصبر و متيأسش ولا تستسلم.
Group Admins
Arizona Aerobatic Club
- This forum has 1 topic, and was last updated 10 years ago by
.
- Oh, bother! No topics were found here.
- You must be logged in to create new topics.